Arnat akornanni ilinniarsimassuseq qaffasinnerusoq

Arnat amerlassusaat eqqarsaatigalugu meeqqat atuarfiannit qaffasinnerusumik ilinniagaqarsimasut amerlanerupput. 2018-imi arnat 40,9 pct.-ii inuusuttunut ilinniarfimmik imaluunniit ingerlariaqqiffiusumik ilinniakkamik ilinniagaqarsimapput, angutillu akornanni pineqartunik ilinniagaqarsimasut 35,3 pct.-iupput.

 

Assigiinngissut annerpaaq ingerlariaqqiffiusumik ilinniarnermiippoq. 2018-imi arnat 13,9 pct.-ii ingerlariaqqiffiusumik ilinniagaqarsimapput angutillu 8,5 pct.-iusimallutik. Ukiuni kingullerni qulini arnat akornanni ingerlariaqqiffiusumik ilinniagallit amerlanerupput. Ingerlariaqqiffiusumik ilinniagaqarsimasut akornanni professionsbachelorit amerlinerpaajusimapput.

 

Titartagaq 2. Innuttaasut (16-74-inik ukiullit) meeqqat atuarfiannit qaffasinnerusumik ilinniagaqarsimasut amerlassusaat, suiaassuseq ukiorlu malillugit

Nassuiaat: Inuusuttunut ilinniakkani ilinniarnertuunngorniarnerit, inuussutissarsiornermik ilinniarnerit aammalu angusanik qaffassaanerit pineqarput.

Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISCPROG).